Download (3MB)
فقہ اور اصول فقہ کی تدریس
درس نظامی میں شامل کتب فقہ و اصول فقہ پڑھانے کا طریقہ کار مع عام اصول تدریس
تالیف: مفتی محمد مکرم محی الدین صاحب حسامی قاسمی استاذ حدیث و فقہ دار العلوم حیدرآباد
صفحات: 121
اشاعت: 1446 / 2025ء
تعارف
پہلا باب عام اصول تدریس، جس میں درس کی تیاری اور درس دینے کے گر بتائے گئے ہیں۔
دوسرا باب کتب فقہ کی تدریس پر مشتمل ہے ، اس میں بہشتی زیور ، مالا بدمنہ ، نور الايضاح ، قدوری ، کنز الدقائق ، شرح وقایہ اور ہدایہ و در مختار جو درس نظامی میں داخل درس ہیں ، ان کا مختصر تعارف کے ساتھ ان کی تدریس کا طریقہ بتایا گیا ہے، ساتھ ہی ساتھ ان کے شروح و حواشی کا بھی ضمناً تعارف پیش کر دیا گیا ہے۔
تیسرا باب کتب اصول فقہ کی تدریس کا طریقہ کار پر مشتمل ہے، اس میں اصول الشاشی ، نور الانوار اور حسامی کا تعارف پیش کرنے کے ساتھ ان کی تدریس کے طریقہ کار کی تفصیل کا ذکر ہے اور ان کے شروح و حواشی کا بھی ذکر ہے۔
چوتھا باب فقہ اور اصول فقہ کا نصاب چند گذارشات کے عنوان پر ہے، جس میں پہلے دونوں فنون سے متعلق جو کتابیں درس نظامی میں داخل درس ہیں ان پر ایک جامع تبصرہ ہے، پھر نصاب سے متعلق قابل قدر اور نہایت متوازن مشورہ بھی دیا گیا ہے، اس کے بعد شعبہ افتاء کے نصاب کا ذکر ہے اور اس تعلق سے بھی قیمتی مشورے ذکر کیے گئے ہیں۔
پانچواں باب مؤلف کے اساتذہ کرام کے ذکر پر مشتمل ہے، اس میں مؤلف نے اپنے ابتدائی درجے کے استاد سے لے کر انتہائی درجے کے تمام اساتذہ کرام کا ذکر کیا ہے، اور کن سے کون کون سی کتابیں پڑھی ہیں ان سب کا بھی ذکر کیا ہے، اور سب سے آخر میں مؤلف نے اپنا تعارف اور اپنی تحریر کردہ کتابوں کا تعارف پیش کیا ہے۔
