Download (2MB)
امام ابوحنیفہ سوانح و افکار
تالیف: مفتی امانت علی قاسمی استاذ حدیث و فقہ دار العلوم حیدرآباد
صفحات: ۲۷۲
اشاعت: ۱۴۳۷ ھ / ۲۰۱۶ء
ناشر: ایجوکیشنل پبلشنگ ہاؤس دہلی
یہ کتاب حضرت امام اعظم کی روشن زندگی اور آپ کی عظیم علمی خدمات پر ایک سرسری جائزہ ہے، امام صاحب پر عربی اور اردو میں سو سے زائد کتابیں لکھی گئی ہیں، اور وہ بھی علم وفن کے تاجداروں علمی دنیا میں چمکتے دمکتے روشن ستاروں اور بحر تحقیق کے شناوروں اور قرطاس و قلم کے عظیم مسافروں کی خامہ فرسائی کا نتیجہ ہیں، ظاہری بات ہے کہ بازار حسن میں اس حبشی غلام کی کیا حیثیت ہے؟ اور قرطاس و قلم کے تاجداروں کے درمیان اس گداگر کی کیا جرات ہے؟ لیکن انگلی کٹا کر شہیدوں کی فہرست میں نام شامل کرنے اور امام صاحب کے عقیدت مندوں کی صف میں جگہ پانے کے لئے ایک بےجا جرات و جسارت کی ہے۔
اس کتاب کے تین ابواب ہیں: پہلا باب حیات و افکار پر مشتمل ہے، جس میں حسب ذیل پانچ فصلیں ہیں: (۱) امام ابو حنیفہ کی سیرت کے چند نقوش (۲) امام ابوحنیفہ اور تصوف (۳) امام صاحب کی معاشی سرگرمیاں (۴) امام ابوحنیفہ کے سیاسی افکار (۵) امام صاحب کی فراست ۔
دوسرا باب علمی خدمات پر محیط ہے، جس میں ترتیب وار تین فصلیں ہیں: (۱) امام ابوحنیفہ بحیثیت محدث (۲) امام ابوحنیفہ اور ان کا فقہی منبج (۳) فقہ حنفی کی تدوین کا شورائی نظام ۔
تیسرا باب ہے امام ابو حنیفہ اہل علم کی نظر میں، اس میں بھی ترتیب وار تین فصلیں ہیں: (۱) امام ابو حنیفہ محدثین اور ائمہ جرح و تعدیل کی نظر میں (۲) امام ابوحنیفہ عبداللہ ابن مبارک کی نظر میں (۳) امام ابوحنیفہ اہل حدیث علماء کی نظر میں ۔