تاریخ کے صفحات خون مظلوم سے رنگین ہیں۔ طاقت کے نشے میں چور ظالموں نے ہمیشہ حق کو دبانے ، اہلِ ایمان کو مٹانے اور کلمہ توحید کی صدا کو خاموش کرنے کی کوشش کی۔ لیکن یہ تاریخ کا نا قابل انکار قانون ہے کہ سچائی کی جڑیں جتنی کائی جاتی ہیں، اتنی ہی گہری پیوست ہو جاتی ہیں۔
اسلام کی تاریخ ایسے واقعات سے لبریز ہیں جہاں ظلم و جبر کی انتہا کے باوجود ایمان کے چراغ روشن رہے۔ حضرت بلال حبشی رضی اللہ عنہ کا دہکتے انگاروں پر احد ، احد پکارنا ، حضرت سمیہ رضی اللہ عنہا کا نیزہ ظالم کی چھاتی میں سہنا ، حضرت خباب بن الارت کا دیکھتے کوئلوں پر لٹایا جانا یہ سب تاریخ ایمان کی وہ روشن قندیلیں ہیں جن کی روشنی قیامت تک اہل حق کا حوصلہ بڑھاتی رہے گی۔
کتاب میں ان عظیم شخصیات کا تذکرہ ہے جنہوں نے حق کی خاطر قربانیاں دیں اور مظالم سہے۔ ہر واقعہ تاریخی و روایتی ماخذ کے ساتھ ذکر کیا گیا ہے، ادبی اور خطیبانہ اسلوب، تاریخی ترتیب کے ساتھ ساتھ ہر واقعہ کے بعد اس کا پیغام، اسباق اور آج کے حالات میں اس کی معنویت پر روشنی ڈالی گئی ہے۔
Leave a Reply