خصوصیات
تیسیر المبتدی کی طرح کتاب کو دو بابوں میں تقسیم کیا گیا ہے، پہلے باب میں صرف فارسی اور دوسرے باب میں نحو فارسی کے تمام ضروری قواعد کو جمع کیا گیا ہے۔
کتاب کے مضامین کو اسباق پر تقسیم کر دیا گیا ہے، کل ساٹھ سبق ہیں ، سترہ سبق درمیان میں مصادر سے متعلق ہیں اور باقی تینتالیس اسباق میں قواعد کو مثالوں کے ساتھ جمع کیا گیا ہے۔
جو اصطلاحات عربی اور فارسی دونوں زبانوں میں مشترک طور پر پائی جاتی ہیں ان کی ایسی تعریف لکھی گئی ہے جو آگے چل کر نحومیر، میزان وغیرہ میں کام آئے، نیز ممکنہ اور ضروری حد تک نحومیر و میزان کے تمام اہم قواعد کو لینے کی کوشش کی گئی ہے۔
ہر سبق کے بعد تمرین دی گئی ہے، تا کہ یہیں سے طلباء اصطلاحات کو پہچاننے اور اجراء و ترکیب کے عادی ہو جائیں۔
جو باتیں اہم اور ضروری ہیں لیکن ان کا تعلق سمجھنے سے ہے یا ان کا ابھی طلباء کو یاد کرانا زیادہ مفید نہیں ہے ، ان کو حاشیہ میں دے دیا گیا ہے، تاکہ اگر استاذ محترم ضرورت محسوس کریں تو طلباء کو وہ باتیں بتا دیں یا اگر موقع ہو تو زبانی یاد کرا دیں۔
Leave a Reply